Tuesday, July 22, 2014

ရှမ်းမြောက်တွင် အစိုးရတပ်နှင့် TNLA တို့ တိုက်ပွဲဖြစ်ပွားရာ TNLA ဘက်မှ ထိခိုက်ကျဆုံးမှုများပြား

ရှမ်းပြည်နယ်မြောက်ပိုင်း၊ နမ့်ခမ်းမြို့နယ်၊ မန်ပူးကျေးရွာအနီးတွင် ဇူလိုင် ၂၀ ရက် နံနက် ၅ နာရီခွဲခန့်၌ အစိုရတပ်နှင့် TNLA အဖွဲ့တို့ တိုက်ပွဲဖြစ်ပွားရာ TNLA ဘက်မှ ထိခိုက်ကျဆုံးမှုများပြားကြောင်း အရှေ့ မြောက်ပိုင်းတိုင်းစစ်ဌာနချုပ်မှ ထိပ်တန်း အရာရှိကြီး တစ်ဦးက ပြောသည်။
“ ကျေးရွာတွေကို ၀င်ပြီး ရိက္ခာတောင်းတယ်၊ ဆက်ကြေးကောက်တယ်၊ ပြီးတော့ လူသစ် အတင်း အကြပ်စုတာ တွေလည်းရှိတယ်၊ ဒေသခံရွာသားတွေအတွက် အကြပ်အတည်းဖြစ်တာများလို့ နယ်မြေ စိုးမိုးရေးလုပ်ရင်းသွား တာပါ၊ မန်ပူးရွာနားမှာ TNLA အဖွဲ့ကစပြီး ပစ်တာကြောင့် တိုက် ပွဲဖြစ်ရတာပါ ” ဟု နမ့်ခမ်းအခြေစိုက် အစိုရတပ်မှ အရာရှိကြီးတစ်ဦးမှ ပြောသည်။
အဆိုပါ ကျေးရွာအနီးတွင် TNLA အဖွဲ့မှ အင်အားအလုံးအရင်းဖြင့် ၀င်ရောက်လာမှုကြောင့် ဒေ သခံ များ စိုးရိမ်ထိတ်လန့်ခဲ့ရကြောင်း၊ TNLA အဖွဲ့အား အစိုးရတပ်နှင့် တိုက်ပွဲဖြစ်ပွားမှာကို စိုးရိမ် ၍ ရွာအနီးမှ ထွက်ခွာပေးရန် ကျေးရွာလူကြီးများ သွားရောက်တောင်းဆိုသော်လည်း မရကြောင်း၊ အစိုးရတပ်အား TNLA မှ နှစ်ဖွဲ့ခွဲ၍ စောင့်ဆိုင်းကာ စတင်တိုက်ခိုက်ခြင်းဖြစ်ကြောင်း သိရသည်။
“ မနက် ၅ နာရီခွဲလောက်မှာ တစ်ကြိမ်ဖြစ်တယ်၊ ပြီးတော့ မနက် ၇ နာရီခွဲလောက်မှာလည်း တစ်ကြိ မ်ဖြစ်သံ ကြားတယ်၊ နှစ်ဖက်စလုံး ထိခိုက်ဒဏ်ရာရတာတွေ၊ သေတာတွေလည်း ရှိလောက် တယ်၊ ဘာဖြစ်လို့လဲဆိုတော့ တိုက်ပွဲက တော်တော်ကြာကြာဖြစ်တာဆိုတော့လေ ” ဟု မန်ပူးရွာ သား တစ်ဦးက ပြောသည်။
တအာင်းအမျိုးသားလွတ်မြောက်ရေးတပ်မတော် (TNLA) အဖွဲ့မှ ပြန်ကြားရေးတာဝန်ခံအား ဆက် သွယ် မေးမြန်း ကြည့်ရာ TNLA ဘက်မှ ထိခိုက်ကျဆုံးမှု မသိရသေးကြောင်း ပြောကြားခဲ့သည်။
အဆိုပါတိုက်ပွဲတွင် ကိုယ်တိုင်ပါဝင်ခဲ့သော အစိုးရတပ်မှ တပ်ရင်းမှူးတစ်ဦးက “ ကျွန်တော်တို့ဘက် က အရာရှိတစ်ဦးနဲ့ စစ်သည်နှစ်ဦးဒဏ်ရာရရှိခဲ့ပါတယ်၊ ကျဆုံးတာမရှိပါဘူး၊ TNLA ဘက်က အလောင်း ၅ လောင်း နဲ့ လက်နက်တွေ သိမ်းဆည်းရမိခဲ့ပါတယ် ” ဟု ပြောကြားသွားသည်။
နမ့်ခမ်းမြို့နယ်လွှတ်တော်အမတ်တစ်ဦးကတော့ “ တိုက်ပွဲတွေ ဖြစ်တယ်ကြားတယ်၊ TNLA ဘက်က ကျဆုံး တာ များတယ်လို့ သိရတယ်၊ နောက် ၃ ရက်ဆိုရင် အပစ်ရပ်ရေးမူကြမ်းကိစ္စ NCCT က လိုင်ဇာမှာ လုပ်တော့မှာ၊ ဒါပေမယ့် ရှမ်းမြောက်မှာ တိုက်ပွဲဖြစ်နေတယ်၊ TNLA ကလည်း အင်အားမရှိဘဲနဲ့ အစိုးရတပ်တွေ ကို တိုက်နေတာဟာ ရိုးရိုးသားသားတော့ မဟုတ်ဘူး၊ KIA နဲ့ ကိုးကန့်အဖွဲ့တွေ ပေါင်းထားတာလို့ သိရတယ်၊ ဒီကိစ္စဟာ KIA ရဲ့လှည့်ကွက်ပါ၊ ကချင်မှာ တိုက်ပွဲ မဖြစ်ဘဲ ရှမ်းမြောက်မှာ တိုက်ပွဲဖြစ်အောင် TNLA ကို အသုံး ချနေတာလေ၊ စာရွက်ပေါ်က အပစ် ရပ် မူကြမ်းနဲ့ မြေပြင်မှာ တိုက်ပွဲဖြစ်နေတာ မဖြစ်သင့်ဘူးလို့ မြင်ပါတယ် ”ဟု ပြောကြားသွားခဲ့ သည် ။
စိုင်းဇော်အောင် (နမ့်ခမ်း)

No comments:

Post a Comment